სიახლეები
სიახლეები

რატომ არის მათემატიკის გამოცდაზე ერთქულიანი დავალებები უფრო რთული, ვიდრე ორი და მეტქულიანი?! - რჩევები აბიტურიენტებს 
04-07-2019
-
+


ერთიანი ეროვნული გამოცდების ფარგლებში, 5 ივლისს აბიტურიენტები გამოცდას მათემატიკაში ჩააბარებენ.

რატომ არის მათემატიკის გამოცდაზე ზოგიერთი ერთქულიანი დავალება უფრო რთული, ვიდრე ორქულიანი და მეტი? რა უნდა გაითვალისწინონ აბიტურიენტებმა იმისთვის, რომ ნაკლები შეცდომები დაუშვან? - ამ და სხვა, აბიტურიენტებისთვის საინტერესო კითხვებზე, შეფასებისა და გამოცდების ეროვნული ცენტრის მათემატიკის ჯგუფის ხელმძღვანელი ზაზა თევდორაძე პასუხობს.

etaloni.ge გთავაზობთ მათემატიკის გამოცდასთან დაკავშირებით დასმულ ყველაზე აქტუალურ კითხვებს და პასუხებს:

- ზოგიერთი ერთქულიანი დავალება უფრო რთულია, ვიდრე ორ ან სამქულიანი დავალება, რა განაპირობებს ამას?

- ერთქულიანი რთული ამოცანები ემსახურება მათემატიკაში ძლიერი აბიტურიენტის რეიტინგულ სიაში ობიექტურ დალაგებას. მარტივი ორქულიანი დავალებები ემსახურება, შეამოწმოს აბიტურიენტის მსჯელობისა და დასაბუთების უნარი მარტივ ამოცანებში.

- რომელი დავალებების შესრულება უჭირთ ყველაზე მეტად აბიტურიენტებს მათემატიკის ტესტში?

- აბიტურიენტებს შედარებით უძნელდებათ გეომეტრიის ღიაბოლოიანი დავალებების ამოხსნა.

- მათემატიკის გამოცდაზე რაზე უნდა გავამახვილოთ ყურადღება, რომ შეცდომებისაგან დავიზღვიოთ თავი?

- ყურადღებით გაეცანით პირობას და ასევე ყურადღება მიაქციეთ იმას, რომ არითმეტიკული შეცდომები არ დაუშვათ. დაკვირვებით აწარმოეთ მათემატიკური გარდაქმნები. გაითვალისწინეთ, რომ მხოლოდ პასუხი ღია დავალებებში გამოყვანის, მსჯელობის, დასაბუთების გარეშე არ ფასდება.

- 38-ე, 39-ე და მე-40 ამოცანების ტიპზე სავარჯიშოდ რომელ სახელმძღვანელოებს ან ინტერნეტ რესურსებს ურჩევდით მოსწავლეებს?

ამ დავალებებში შესაძლებელია შეგხვდეთ ეროვნული სასწავლო გეგმით გათვალისწინებული ნებისმიერი საკითხი. იხილეთ საგამოცდო პროგრამები: https://naec.ge/#/ge/post/1843

- მათემატიკის გამოცდა წინა წლებთან შედარებით უფრო რთული იქნება?

საგამოცდო ტესტის სტრუქტურა და სირთულე წელს არ შეიცვლება.

- ბოლო 4-ქულიანი (მე-40) დავალების ამოსახსნელად განსაკუთრებით რომელ თემებს მიაქციონ აბიტურიენტებმა ყურადღება მომზადებისას?

ეს არის კომბინირებული ამოცანა, რომლის არც ერთი საკითხი არ სცილდება ეროვნული სასწავლო გეგმის ჩარჩოებს. კონკრეტული მზა ინსტრუქციის შემოთავაზება შეუძლებელია.

ასევე იხილეთ: რამდენი ადგილია მათემატიკაზე გამოცხადებული და რამდენი აბიტურიენტი დარეგისტრირდა


კომენტარები


ეტალონი
„ეტალონში“ მიღწეული წარმატება მოსწავლეებისა და სრულიად სასკოლო საზოგადოებისთვის მნიშვნელოვანი მოვლენაა“
საპრიზო ადგილის მფლობელი მოსწავლეები, რესურსცენტრების ხელმძღვანელები, სკოლების დირექტორები და პედაგოგები კონკურსის ემოციების შესახებ საუბრობენ
სიახლეები
NAEC იმიტირებულ რეგისტრაციას გაგატარებთ - შეხვედრის ვადა და დეტალები
„ინგლისურენოვანი შეტყობინება მივიღეთ , რომ სკოლაში ასაფეთქებელი ნივთიერება იყო“ -სკოლის დამფუძნებელი etaloni.ge-სთან დეტალებზე საუბრობს
განათლებაში ყველაზე დაბალი ხელფასებია - საქსტატი 4 მაღალანაზღაურებად დარგს ასახელებს
„სსსმ მოსწავლეებს  განსაკუთრებული ნიჭი აქვთ სხვადასხვა განხრით, ამიტომ სპეცმასწავლებლის მოვალეობაა ამ უნარების აღმოჩენა შეძლოს და შემდგომ განავითაროს“
პიროვნება
„მასწავლებლებს იმ ტრენინგებში, რაც მათ საჭიროებებზე არაა მორგებული, დროს არ დავაკარგვინებდი“
„დღეს რომ ასეთი წარმატებული ვარ, დირექტორისა და არაჩვეულებრივი პედაგოგიური გუნდის დამსახურებაა“
ღვთის წყალობით,  მეუფე მექლისედეკის ლოცვა კურთხევითა და ჩვენი პედაგოგების მუხლჩაუხრელი შრომით კვლავაც გავაგრძელებთ ერისა და ეკლესიის სასიქაუდლო და საამაყო მამულიშვილების აღზრდას
სკოლები
მოსწავლეებმა სტუმრისგან მათთვის საინტერესო კითხვებზე ამომწურავი პასუხები მიიღეს
მოსწავლეებს თან ახლდნენ კლასის დამრიგებელი და საქართველოს ისტორიის პედაგოგი იოსებ აფაქიძე
მოსწავლეებმა სიყვარულით, სითბოთი და ემოციით სავსე დღე მიუძღვნეს ქალბატონებსა და საყვარელ დედიკოებს
„ვულოცავთ მათ, მასწავლებელთან ერთად, ამ წარმატებას და მომავალში მეტ მიღწევებს ვუსურვებთ“
საინტერესო
ამაზე საუბარი, რა თქმა უნდა, კვლევებიდან და მოსწავლეებისა თუ სტუდენტების შედეგებიდან გამომდინარე შეიძლება
ინგლისში, თანხის დაზოგვის მიზნით, სკოლებმა, შესაძლოა, მასწავლებლები შეამცირონ - რამ გამოიწვია კრიზისი?
„ეს არის პედაგოგების ძარცვა - მთავრობა სკოლებში უფასო შრომას ეყრდნობა“
სიახლეები
საზოგადოება