სავანეთის საჯარო სკოლაში საშემოდგომო ღონისძიება ჩატარდა
20-11-2019
დაკოპირებულია
-
+
ბოლნისის მუნიციპალიტეტის სავანეთის საჯარო სკოლის I, II, III ,I V კლასებში საშემოდგომო ღონისძიება ჩატარდა.
„მოსწავლეებმა გამოხატეს კრეატიული ნიჭი: ლექსებით, ინსცენირებით, სიმღერით, სახალისო შეჯიბრით და ცეკვით. ოთახი მრავალფეროვანი ხილითა და შემოდგომის ფოთლებით იყო გაფორმებული. საინტერესო იყო ღონისძიების დასაწყისი. მოსწავლეებს ჰქონდათ არჩევანის გაკეთების საშუალება, უნდა გამოეჩინათ თავიანთი შესაძლებლობები“,- ამბობს სკოლის წარმომადგენელი.
მისივე თქმით, ზეიმზე მოსწავლეებს ლამაზი ფორმები ეცვათ.
ზეიმის ინიციატორი ქართული ენის და ლიტერატურის პედაგოგი გულნაზი ასანიძე იყო.
ღონისძიებას მშობლები, მოსწავლეები და მასწავლებლები ესწრებოდნენ.
მოსწავლეებმა ბარაქიანი შემოდგომის აღსანიშნავად მოწვეულ სტუმრებს ხილი და ტკბილეული დაურიგეს და ამით მოწვეული სტუმრებისადმი ღრმა პატივისცემა გამოხატეს.
შემოდგომის ზეიმზე 10 წუთი დაეთმო ვიქტორინას, ინტერაქტიული გამოკითხვის და მოსწავლეთა ერუდიციის შემოწმების სახით.
„ყველაზე წამახალისებელი ეპიზოდი იყო ღონისძიების ბოლო ნაწილი, როცა მოსწავლეებმა მასწავლებლებს შესთავაზეს მათთან ეცეკვათ, სადაც იგრძნობოდა თანამშრომლობის, ნდობის ატმოსფერო“,- ამბობს სკოლის წარმომადგენელი.
მოსწავლეების თვალი დანახული წელიწადის ყველაზე ფერადი სეზონი და საინტერესო გამოფენა - დღე, რომელიც მოსწავლეებისთვის ძალიან საინტერესო და დასამახსოვრებელი აღმოჩნდა