დანიელ თოფურიას სახელობის აბაშის მუნიციპალიტეტის სოფელ მაცხოვრისკარის საჯარო სკოლაში სწავლა საკლასო ოთახებში მიმდინარეობს. სასკოლო საზოგადეობა ამ გადაწყვეტილების მომხრეა, რადგან დისტანციური სწავლება შედარებით რთულია. 

აღსანიშნავია, რომ სკოლაში შემუშავებული რეკომენდაციები სრულად დაცულია. 

„სამწუხაროდ, ყველა მოსწავლეს არ აქვს ინტერნეტთან წვდომა და საჭიროების შემთხვევაში, ცოტათი შეფერხდება ონლაინ სწავლება, მაგრამ სკოლის გუნდი მზადაა, ვისაც ინტერნეტთან წვდომა არ აქვს, მათთან ტელეკომუნიკაციის საშუალებით მოახდინოს სწავლება.

მეტი ინფორმაციის მოძიება და მიღება განვითარების ხელშეწყობისათვის მნიშვნელოვანია, ინტერნეტ რესურსების გამოყენება კი - აუცილებელია“, - აღნიშნავს სკოლის წარმომადგენელი.