„მასწავლებლებისგან კარიერული წინსვლა მახარებს “- აზმანის საჯარო სკოლის დირექტორი ვარდო შაინიძე
11-03-2021
დაკოპირებულია
-
+
რა გამოწვევების წინაშე დააყენა კოვიდ-პანდემიამ და რა ასწავლა ონლაინ სწავლებამ; როგორ აფასებს 2020 წელს და რაზე ფიქრობს ყველაზე ხშირად - ამ და სხვა საკითხებზე etaloni.ge ახალქალაქის მუნიციპალიტეტის სოფელ აზმანის საჯარო სკოლის დირექტორის მოვალეობის შემსრულებლის, ვარდო შაინიძის ბლიც-ინტერვიუს გთავაზობთ:
- კოვიდ პანდემიამ დაგვანახა...
- საკუთარ თავსა და სხვაზე ზრუნვა, ურთიერთპატივისცემა, თანაგრძნობა და სიყვარული.
- ონლაინ სწავლებამ გვასწავლა...
- ტექნოლოგიების დახვეწა; პასუხისმგებლობა, თუმცა უარყოფითი იყო, რომ ყველა მოსწავლეს არ ჰქონდა ინტერნეტთან წვდომა, რაც სწავლის ხარისხზე აისახა.
- 2020 წელს დავახასიათებდი...
- პანდემიის, სტრესის და შიშის წელი.
- მასწავლებლებისგან ყველაზე ხშირად მიხარია...
- კარიერული წინსვლა, მოსწავლეებთან ურთიერთობა და მათზე ზრუნვა.
- მოსწავლეებისგან ყველაზე მეტად მიკვირს...
- არასათანადო ქცევა.
- მშობლებს ვურჩევდი...
- უფრო მეტი ყურადღება მიაქციონ ბავშვების ჯანმრთელობასა და აღზრდა-განათლებას.
- ყველაზე ხშირად ვფიქრობ...
- გვეცხოვროს გაერთიანებულ მშვიდობიან საქართველოში; არ იყოს პანდემია; ვიყოთ ჯანმრთელები; მოსწავლეები დაუბრუნდნენ საკლასო ოთახებს.