სიახლეები
პიროვნება

„აბიტურიენტებს ვურჩევ, პროფესია აირჩიონ ისეთი, რომელიც უყვართ და გამოადგებათ“ - დაბა ლაითურის საჯარო სკოლის დირექტორი ლეილა გაბეჩავა
05-04-2021
-
+


რას ურჩევდა აბიტურიენტებს, როგორ აფასებს ეროვნულ გამოცდებთან დაკავშირებულ ინიციატივას და ონლაინ სწავლებას; რას ფიქრობს ელექტრონული ჟურნალის წარმოების სავალდებულო დანერგვაზე - ამ და სხვა საკითხებზე etaloni.ge  ოზურგეთის მუნიციპალიტეტის დაბა ლაითურის საჯარო სკოლის დირექტორს - ლეილა გაბეჩავას ესაუბრა.

- როგორ აფასებთ ინიციატივას ეროვნულ გამოცდებთან დაკავშირებით, რომ შესაძლოა უნივერსიტეტში ჩარიცხვისას ეროვნული გამოცდების ქულასთან ერთად, გათვალისწინებული იყოს: სკოლის საშუალო ნიშანი, რეკომენდაციები მასწავლებლებისგან თუ კლასგარეშე მუშაობა ?

- ძალიან კარგი ინიციატივაა, მივესალმები ამით ამაღლდება სკოლის ავტორიტეტი, ჩვენი სკოლა ობიექტურად აფასებს მოსწავლეებს და არანაირი საშიშროება არ არის კორუფციის ან რაიმე ურყოფითი ნიშნების ამ  ინიციატივასთან დაკავშირებით.

- რას ურჩევდით აბიტურიენტებს ? რას მიაქციონ ყურადღება მომავალი პროფესიის არჩევისას და როგორ გამოიყენონ გამოცდებამდე დარჩენილი პერიოდი უფრო ნაყოფიერად ?

- აბიტურიენტებმა კარგად გაითავისონ რა შეუძლიათ, რისი უნარები აქვთ და ამის მიხედვით გააკეთონ არჩევანი. გააკეთონ გათვლა იმაზე თუ რომელი დარგი, რომელი სპეციალობა არის ამ მომენტისთვის პრივილეგირებული და არამხოლოდ  ის, რომ ვიღაცას ეს უნდა ვიღაცას ის უნდა, სადღაც ადვილია ჩაბარება,  ან სწავლის გაგრძელება იოლია,  ამ ყველაფერს არ მიაქციონ ყურადღება, აირჩიონ ის რაც უყვართ, აინტერესებთ და გამოადგებათ მომავალ პროფესიაში. ვურჩევ, რომ ყველამ უმაღლესი განათლება არ მიიღონ, პროფესია აირჩიონ ისეთი, რაც უყვართ და გამოადგებათ. 

- როგორ შეაფასებდით ელექტრონული ჟურნალის წარმოების სავალდებულო დანერგვას ? რამდენად მარტივად ახერხებენ მასში მასწავლებლები მუშაობას და რამდენად ხშირად საჭიროებენ დახმარებას აღნიშნულ პროცესში ?

- ჩვენ სკოლაში ვაწარმოებთ ელექტრონულ ჟურნალს და არ ვარ უკმაყოფილოები, თუმცა ჯერ ტექნიკური ხარვეზებია, თანდათან იხვეწება, მუშაობა გვიჩვენებეს, რომ მომავალი მაინც ელექტონული ჟურნალის იქნება. მითუმეტეს ამ სიტუაციაში, როდესაც პანდემიაა და ვერიდებით ჟურნალის ხელიდან ხელში გადაცემას, ელექტრონული ჟურნალი არის საუკეთესო გამოსავალი. იმედი მაქვს, რომ დაიხვეწება, რადგან თავიდან ბევრი რაღაც რაც დავიწყეთ იყო ხარვეზები, ნაკლოვანებები, რომლებიც შემდგომ დაიხვეწა და გამოსწორდა. ვიმედოვნებ, რომ ყველა სკოლისთვის შემდეგ წელს სავალდებულო გახდება ელექტრონული ჟურნალის წარმოება. პედაგოგებს არ უჭირთ ელექტრონულ ჟურნალთან მუშაობა ახლა, რადგან გამოცდილება აქვთ უკვე ონალინ სწავლების დროს. თავიდან სჭირდებოდათ, რა თქმა უნდა, დახმარება, მაგრამ ეს ეტაპიც წარმატებით გადავლახეთ. ყველა პედაგოგი მუშაობს დამოუკიდებლად. 

- რას ეტყოდით და როგორ გაამხნევებდით კოლეგა დირექტორებს, ვისაც ამ რთულ ეპიდპირობებში გიწევთ სკოლის მართვა და მუდმივი ზრუნვა ონლაინ თუ დასწრებითი გამართული სასწავლო პროცესის უზრუნველსაყოფად ?

- ონლაინ სწავლება - ეს იყო იძულებითი ფორმა და საუკეთესო გამოსავალი იმ პირობებში, მაგრამ  ვურჩევდი ჩემს კოლეგა დირექტორებს, რომ რაც შეიძლება მაქსიმალურად დაიცვან რეგულაციები, ინფორმირება მოხდეს მშობლების, მოსწავლეების. იმის ფასი არაფერი არის, როდესაც მოსწავლე სკოლაში საკლასო ოთახში საკუთარ მერხთან ისწავლის, მაგრამ თუ რაღაც გამოუვალი მდგომარეობაა, ამასაც გაგებით მოეკიდნონ, იმედი არ დაკარგონ. ვიცი რა რთულია იმ სკოლებისთვის, რომლებიც ონლაინ სწავლობენ წერტილოვანი შეზღუდვების გამო. ჩვენც გამოვცადეთ ეს საკუთარ თავზე და ვიცით, რა რთულია. ყველას ვუსურვებ მშვიდობას, ჯანმრთელ მოსწავლეებსა და პედაგოგებს!

კომენტარები


ეტალონი
„ეტალონში“ მიღწეული წარმატება მოსწავლეებისა და სრულიად სასკოლო საზოგადოებისთვის მნიშვნელოვანი მოვლენაა“
საპრიზო ადგილის მფლობელი მოსწავლეები, რესურსცენტრების ხელმძღვანელები, სკოლების დირექტორები და პედაგოგები კონკურსის ემოციების შესახებ საუბრობენ
სიახლეები
მასწავლებლების გამოცდაზე რეგისტრაცია აპრილის პირველ ნახევარში დაიწყება - NAEC
„განათლების სისტემაში ასეულობით ვაკანსია გვაქვს და ჰაერივით გვჭირდება ცოდნამიღებული ახალგაზრდები...“
ბრალდებულმა, მკვეთრი მანევრით, ნაპირიდან მოშორებით „ბანანი“ ამოატრიალა, რის შედეგადაც უჟილეტო ბავშვები ზღვაში ჩაცვივდნენ
პიროვნება
„ვფიქრობ მოსწავლეები დამახასიათებენ მეგობრულ, საყვარელ, სამართლიან მასწავლებლად“
„ბევრი ჩემი მოსწავლის ოჯახში ჩემი აღზრდილი სამი თაობა ცხოვრობს ერთად. ეს ბევრს ნიშნავს ჩემთვისაც და მათთვისაც“
„ვფიქრობ, ქარიზმა, შარმი, პიროვნული ხიბლი აუცილებელია მასწავლებლისთვის, სკოლის ლიდერისთვის“
სკოლები
კონკურსის მონაწილეები იყვნენ მე-9 და მე-10  კლასის მოსწავლეები: ნინო ყიფშიძე, მარიამ ნადირაძე, ქეთი გოგოლაძე, ლიზი ძინძიბაძე და მარიამ შეყლაშვილი
როგორც სკოლაში გვიყვებიან, დაჯილდოვდება ის მონაწილე, რომელმაც მაქსიმალური ქულის 70% და მეტი დააგროვა
მათ სხვადასხვა სახალისო აქტივობა განახორციელეს და დრო ნაყოფიერად გაატარეს
მოსწავლეების თვალი დანახული წელიწადის ყველაზე ფერადი სეზონი და საინტერესო გამოფენა - დღე, რომელიც მოსწავლეებისთვის ძალიან საინტერესო და დასამახსოვრებელი აღმოჩნდა
მოსწავლეებმა შესაძლებლობები გამოავლინეს, დრო ნაყოფიერად გაატარეს და რაც მთავარია, ცოდნა კიდევ უფრო გაიღრმავეს
საინტერესო
ამაზე საუბარი, რა თქმა უნდა, კვლევებიდან და მოსწავლეებისა თუ სტუდენტების შედეგებიდან გამომდინარე შეიძლება
საინტერესო შემთხვევაა ე.წ. მომთაბარე სკოლაც, სადაც ბავშვები განათლებას კარვებში იღებენ
სიახლეები
საზოგადოება