საქართველოში მოქმედ ყველა ეკლესიაში ქვეყნის ტერიტორიული მთლიანობისთვის დაღუპულთა სულის მოსახსენიებელი პანაშვიდი ჩატარდება
11.08.2017
საქართველოში მოქმედ ყველა ეკლესიაში ქვეყნის ტერიტორიული მთლიანობისთვის დაღუპულთა სულის მოსახსენიებელი პანაშვიდი ჩატარდება, - ამის შესახებ საქართველოს საპატრიარქოს საგარეო საქმეთა განყოფილების თავმჯდომარის მოადგილემ, დეკანოზმა კახაბერ გოგოტიშვილმა ჟურნალისტებთან საუბრისას განაცხადა. 

მისი ინფორმაციით, 9 წლის წინ მომხდარი მოვლენები მთელი ქვეყნისთვის დიდი ტრაგედია იყო, როგორც სულიერი, ასევე მორალური კუთხით. 

”ყველა ეკლესიაში 12:00 საათზე გადახდილი იქნება სულის საოხი პანაშვიდი. გორისა და ატენის მიტროპოლიტმა შეასრულა საგანგებო წირვა, ასევე ცხინვალისა და ნიქოზის მიტროპოლიტმა შეასრულა წირვა. 11 აგვისტოს იგეგმება შინდისში შინდისის გმირებისათვის სულის საოხი პანაშვიდის გადახდა”, - განაცხადა კახაბერ გოგოტიშვილმა. 

დეკანოზის თქმით, ეკლესიისთვის თითოეული ადამიანის სული და თითოეული გოჯი მიწა მნიშვნელოვანია, სწორედ ამიტომ ეკლესია ყველაფერს აკეთებს მათ დასაცავად. დეკანოზმა კახაბერ გოგოტიშვილმა ტერიტორიული მთლიანობისთვის დაღუპულთა ოჯახებს და სრულიად ქართველ ერს კიდევ ერთხელ მიუსამძიმრა. 

”8 აგვისტოს, რაც 9 წლის წინ მოხდა, იყო დიდი ტრაგედია და მინდა სამძიმარი ვუთხრა ქართველ ერს და სრულიად საქართველოს. საზოგადოებამ უმძიმესი დანაკლისი განიცადა, არა მხოლოდ ტერიტორიების დაკარგვით და ამდენი ახალგაზრდის დაღუპვით, არამედ დიდი ზარალი განიცადა სულიერად და მორალურად. ეს იყო დიდი ტრაგედია თითოეული ჩვენგანისთვის. ჩვენი ეკლესია, რომლისთვისაც მნიშვნელოვანია საქართველოს ერთობა და მთლიანობა, ყველა წირვაზე იხსენიებს აფხაზეთსა და სამაჩაბლოს ტერიტორიაზე დაღუპულ ახალგაზრდებს. ეკლესიისთვის მნიშვნელოვანია თითოეული ადამიანის სული და თითოეული გოჯი მიწა, იმიტომ რომ ეს ღვთის ბოძებული საჩუქარია და ჩვენ ამას ვუფრთხილდებით ჩვენი ლოცვით”, - განაცხადა დეკანოზმა კახაბერ გოგოტიშვილმა. 


კომენტარები


სხვა სიახლეები
16.08.2017
 ტურიზმის ეროვნული ადმინისტრაციის ხელმძღვანელის პირველი საჯარო განცხადება
16.08.2017
თამარ მეარაყიშვილის დაკავება ახალგორში, სახლთან ახლოს მოხდა
16.08.2017
მოსახლეობას წყლით მომარაგება ტრანსპორტით რამდენიმე ასეული მეტრის, ზოგწერ კი კილომეტრის მოშორებიდან უწევს
16.08.2017
ადგილობრივების თქმით, მას ფსიქიკური პრობლემები ჰქონდა
16.08.2017
ა გახდა ხის წაქცევის მიზეზი, ამ დროისთვის უცნობია
16.08.2017
ბურჯანაძის პრეტენზიებს პატრიოტთა ალიანსის მერობის კანდიდატმაც უპასუხა
16.08.2017
პარტიაში ფიქრობენ, რომ ქალისა და მამაკაცის შემთხვევაში, საპენსიო ასაკში არსებული განსხვავება არის დისკრიმინაციული და მოითხოვენ, ასაკი გათანაბრდეს და გახდეს 60 წელი
16.08.2017
უკვე ცნობილია, რომ პოლიტიკურ პარტიებს შორის დაგეგმილ შეხვედრაზე საკონსტიტუციო რეფორმის საკითხი განიხილება
16.08.2017
,რუსთავქალაქობა 2017“-ის ფარგლებში ბევრი  ღონისძიებაა დაგეგმილი
16.08.2017
პროვინციის პოლიციის ხელმძღვანელის  განცხადებით, ოპერაციის ფარგლებში დაკავებულია 100-ზე მეტი ნარკორეალიზატორი
ხუთ, 17 აგვისტო 2017
07:36