გამწვანების საქალაქო სამსახურის უფროსი - მთაწმინდაზე ხანძრის შედეგად 200-მდე ხეა დამწვარი
11.08.2017
მთაწმინდაზე ხანძრის შედეგად 200-მდე ხე, ბუჩქები და ბალახებია დამწვარი, - ამის შესახებ ინფორმაციას თბილისის მერიის გამწვანების საქალაქო სამსახური ავრცელებს.

როგორც წერეთელმა აღნიშნა, თბილისის მერიის თანამშრომლები, გარემოს დაცვის სააგენტოს, სატყეო დეპარტამენტის, ასევე თბილისის ბოტანიკური ბაღის თანამშრომლებთან ერთად იმყოფებოდნენ ადგილზე და დაათვალიერეს ტერიტორია. 

”მეწყერის საშიშროება არ არის, მაგრამ მომავალ კვირაში ალბათ სპეციალისტების რეკომენდაციებს მივიღებთ, შევისწავლით და შესაბამისად გადავწყვეტთ, თუ რა შეიძლება განხორციელდეს აღნიშნულ ტერიტორიაზე და რა შემდგომი ნაბიჯები შეიძლება გადაიდგას. პირველადი დათვალიერებით 200-მდე ხე არის დამწვარი, ბალახი და ბუჩქები. ხეებს შორის რამდენიმე გამხმარიც იყო. გამწვანების კუთხით ღონისძიებებს მას შემდეგ დავგეგმავთ, რაც რეკომენდაციებს მივიღებთ. მომავალ კვირაში სპეციალისტებთან ამ საკითხზე კიდევ ერთი შეხვედრა გვექნება”, - აღნიშნა წერეთელმა.მთაწმინდის ფერდობზე ხანძარი 8 აგვისტოს გვიან ღამით გაჩნდა, რის შედეგადაც 2 ჰექტარ ტერიტორიაზე 200-მდე ძირი ხე დაიწვა.


კომენტარები


სხვა სიახლეები
კვი, 17 დეკემბერი 2017
21:37