ლევან კობიაშვილი - 2018 წლიდან ფეხბურთის მოედნები მოწესრიგდება
11.08.2017
სასტუმრო „ჰუალინგში“ გამართულ საქართველოს ფეხბურთის ფედერაციის 27-ე ყრილობაზე რამდენიმე მნიშვნელოვანი სიახლე გახდა ცნობილი.

ერთ-ერთი მათგანი საქართველოში არსებულ ინფრასტრუქტურის პრობლემებს შეეხებოდა. ამის შესახებ ფეხბურთის ფედერაციის პრეზიდენტმა ლევან კობიაშვილმა ისაუბრა.

„საერთაშორისო ფეხბურთის ფედერაციას სურს, რომ 2018 წლიდან, ეროვნული ლიგისა და ეროვნული ლიგა 2-ის გუნდებმა ბუნებრივ საფარზე ითამაშონ. ამ მიზნით, ადგილობრივ ხელისუფლებებთან ვითანამშრომლებთ, რომ მომავალი წლიდან ამ ლიგების წარმომადგენელი გუნდების სტადიონებზე მინდვრების ხარისხი გაუმჯობესდეს და სადაც ხალიჩაა, ნატურალური ბალახით შეიცვალოს. ამას გარდა, წელს გორის სტადიონზე სამუშოები ჩატარდა და იქ მაღალი დონის ტურნირების მიღებაა შესაძლებელი. ფედერაციას გადმოეცა დავით პეტრიაშილის სახელობის არენაც, რაც ასევე მნიშნელოვანია. ამას გარდა, მალე სტადიონების მშენებლობის დასრულებას ველოდებით ზუგდიდში, ხოლო ბათუმში მალე ახალი არენის აშენების იმედი გვაქვს“, - აღნიშნა კობიაშვილმა.

დღეს თბილისში ფეხბურთის ფედერაციის რიგით 27-ე ყროლობა ჩატარდა.


კომენტარები


სხვა სიახლეები
ორშ, 23 ოქტომბერი 2017
08:16