„ჩვენ ვსწავლობთ ვეფხისტყაოსანს“ - თელავის N8 საჯარო სკოლაში პროექტ-გაკვეთილი ჩატარდა
თელავის N8 საჯარო სკოლაში დედაენის დღე აღინიშნა.ამ დღესთან დაკავშირებით, ქართული ენისა და ლიტერატურის მასწავლებელმა, ქეთევან შიუკაშვილმა პროექტ-გაკვეთილი „ჩვენ ვსწავლობთ ვეფხისტყაოსანს“ ჩაატარა.
აქტივობის მიზანი შოთა რუსთაველისა და მისი გენიალური პოემის მიმართ მოსწავლეთა ინტერესის ზრდა და „ვეფხისტყაოსნის“ უფრო ღრმად გააზრება იყო.
მოსწავლეებმა იმსჯელეს თუ რას გვასწავლის „ვეფხისტყაოსანი“ . მათ პოემის პერსონაჟებიც განიხილეს და ერთმანეთს საკუთარი მოსაზრებები გაუზიარეს.
სკოლის აღსაზრდელებმა „ვეფხისტყაოსნიდან“ ცნობილი აფორმიზმებიც წაიკითხეს.
იხილეთ ფოტოები: