„დედამიწა ჩვენი საერთო სახლია“ - კლდეეთის საჯარო სკოლის მოსწავლეებმა დედამიწის დღე მრავალფეროვანი აქტივობებით აღნიშნეს
13-05-2021
დაკოპირებულია
-
+
ზესტაფონის მუნიციპალიტეტის სოფელ კლდეეთის საჯარო სკოლის მოსწავლეებმა დედამიწის დღე მრავალფეროვანი აქტივობებით აღნიშნეს.
მოსწავლეებმა ბუნებისა და გარემომცველი სივრცის დაცვის თემაზე პოსტერები და პლაკატები შექმნეს. მათ დედამიწის დღის აღნიშვნის მნიშვნელობაზე ისაუბრეს, იმსჯელეს ბუნებრივი რესურსების რაციონალურად გამოყენების შესახებ და საზოგადოებას გარემოს დაცვისკენ მოუწოდეს.
მოსწავლეებმა სკოლის ეზოში ნერგებიც დარგეს.
22 აპრილი დედამიწის საერთაშორისო დღეა. ის მსოფლიოში ერთ-ერთი ყველაზე მასშტაბური გარემოსდაცვითი ღონისძიებაა, რომელშიც ყოველ წელს მსოფლიოს 192 ქვეყნის სხვადასხვა ორგანიზაცია და მილიონობით მოხალისე მონაწილეობს.