რა არის წარმატებისთვის აუცილებელი, რა სჭირდება მომავალ თაობას, რას ახსენებს ხშირად საკუთარ თავს - ამ და სხვა საკითხებზე etaloni.ge ახალქალაქის მუნიციპალიტეტის სოფელ მიასნიკიანის საჯარო სკოლის დირექტორის, მარგო ბალასანიანის ბლიც-ინტერვიუს გთავაზობთ:

- სკოლა არის...

- საგნის ცოდნის აკვანი, სადაც ბავშვი იძენს იმ უნარებს, რომელიც მას ყოველდღიურ ცხოვრებასა თუ სამსახურში გამოადგება. 

- ცოდნა გვანიჭებს...

- ეფექტურობას. ის უნარ-ჩვევების განვითარების ინსტრუმენტია.

- მომავალ თაობას სჭირდება...

- განვითარება - მათ უნდა განივითარონ ისეთი უნარ-ჩვევები, როგორიცაა გადაწყვეტილების მიღება, დაგეგმა, მიზნის დასახვა, მოლაპარაკება და სხვა.

- როდესაც მოსწავლე ვიყავი....

- ვკითხულობდი წიგნებს, ყოველთვის ვცდილობდი სიახლეების შესწავლას,  ყოველდღიურად ვიყენებდი მიღებულ ცოდნას, ვიყავი პასუხისმგებელი და ვზრუნავდი მეგობრებზე.

- დირექტორობა მეხმარება...

- ცოდნის აქტიურ გამოყენებასა და ცხოვრების შესწავლაში.

- საკუთარ თავს ხშირად ვახსენებ...
 
- რომ სკოლა სახელმწიფოს განვითარების მთავარი ცენტრია, რომელიც ასტიმულირებს მოსწავლეების თანაარსებობას, სოციალურ ჰარმონიას, უნივერსალურ ეროვნულ ღირებულებებს. სკოლამ უნდა გამოიყენოს სხვადასხვა მეთოდი, შეიმუშაოს მრავალფეროვანი და რეალისტური სტრატეგიები.

- წარმატებისთვის აუცილებელია...

- სასკოლო ცხოვრებაში უზრუნველყოფილი იყოს მშობლების, მასწავლებლებისა და მოსწავლეების სამმხრივი მონაწილეობა.