„საკუთარ თავს ხშირად ვახსენებ, რომ მეც ბავშვი ვიყავი“ - ლია ბუთლიაშვილი, წნორის N1 საჯარო სკოლის დირექტორი
13-05-2021
დაკოპირებულია
-
+
რა არის სკოლა, რას ანიჭებს ცოდნა და რას სჭირდება მომავალ თაობას; რაში ეხმარება დირექტორობა და რას ახსენებს საკუთარ თავს ყველაზე ხშირად - ამ და სხვა საკითხებზე etaloni.ge სიღნაღის მუნიციპალიტეტის ქალაქ წნორის N1 საჯარო სკოლის დირექტორის, ლია ბუთლიაშვილის ბლიც-ინტერვიუს გთავაზობთ:
- სკოლა არის...
- სკოლა მომავალი თაობის სამჭედლოა. ეს ის ადგილია, სადაც ბავშვი პიროვნებად ყალიბდება და იძენს ცოდნასა და კომუნიკაციურ უნარ-ჩვევებს.
- ცოდნა გვანიჭებს...
- თავისუფლების, თავდაჯერებულობის განცდას.
- მომავალ თაობას სჭირდება...
- ისეთი უნარ-ჩვევების შეძენა, რომელიც გამოადგება თავისუფალი, უსაფრთხო და ბედნიერი მომავლის შენებაში.
- როდესაც მოსწავლე ვიყავი...
- ვიყავი პასუხისმგებლიანი, შრომისმოყვარე და მომავალზე მეოცნებე.
- დირექტორობა მეხმარება...
- სწორად გავიაზრო ის პასუხისმგებლობა, რაც მომავალი თაობის წინაშე მაკისრია.
- საკუთარ თავს ხშირად ვახსენებ...
- რომ მეც ვიყავი ბავშვი და კიდევ იმას, რომ არ დავკარგო სამართლიანობის განცდა.
- წარმატებისთვის აუცილებელია...
- შრომისმოყვარეობა, პასუხისმგებლობა და საკუთარი თავის წმენა.