სიახლეები
საინტერესო

საათების განაწილების პრობლემა და ორად გაყოფილი კოლექტივი სკოლებში - რამდენად სამართლიანია მასწავლებლების მოთხოვნები?
21-06-2021
-
+


სასწავლო წელი დასრულდა. მასწავლებლები ახალი სასწავლო წლისთვის საათების გადანაწილებაზე უკვე ნერვიულობენ. ეს საკითხი მუდმივად საკამათოა სკოლებში, რადგან პედაგოგთა ნაწილი მიიჩნევს, რომ საათობრივი დატვირთვას დირექტორი განკარგავს და მის კეთილ ნებაზეა დამოკიდებული თითოეული მასწავლებლის ბედი. 

პედაგოგები ამ საკითხზე წუხილს ხშირად გამოთქვამენ პირად საუბრებში. აღნიშნული თემა სოციალურ ქსელშიც, თემატურ ჯგუფებში განსჯის საგანი ბევრჯერ გამხდარა. 

„ვიცით, რომ საათობრივი დატვირთვა სტატუსების მიხედვით უნდა ხდებოდეს, წამყვანი პედაგოგი ვარ და უფროსის სტატუსის მასწავლებლებს ჩემზე მეტი საათები აქვთ“.

„ყოველ წელს სანერვიულოა ჩემთვის ეს თემა, უფროს თაობას ახალგაზრდა მასწავლებლები ვერც ვეკამათებით და სულ ვთმობთ, რის გამოც ვიჩაგრებით, ეს საკითხი როგორმე უნდა დარეგულირდეს“, - აღნიშნავენ მასწავლებლები.

პედაგოგთა ნაწილისთვის გაუგებარია, რატომ კამათობენ საათების განაწილებაზე მასწავლებლები და რატომ ბრალდება ეს ყველაფერი დირექტორს.

„მსმენია კოლეგების მხრიდან დირექტორის მიმართ უკმაყოფილება საათების არასამართლიანად გადანაწილებაზე. დირექტორი არ უნდა ანაწილებდეს საათებს, ეს უნდა ხდებოდეს კათედრაზე, თანაბრად და კოლეგიალურად, თუ ვინმე თავს დაჩაგრულად იგრძნობს, მხოლოდ მაშინ უნდა ჩაერიოს დირექტორი ობიექტურად“.

ამ თემაზე განსხვავებული მოსაზრებებიც არსებობს.

„ეს საკითხი სულ განსახილველი და საკამათოა, უკვე შევეჩვიე, რომ ყოველ ზაფხულს ამ თემაზე უნდა იყოს უკმაყოფილება ჩვენს სკოლაში, ხშირად სტატუსიანი მასწავლებლებიც არ მსჯელობენ კარგად, რადგან ერთმანეთს ეჯიბრებიან და იციან, რომ რაც მეტი საათი ექნებათ, მეტ ანაზღაურებას მიიღებენ, დანამატის ასაღებად 15 საათიც საკმარისია, მაგრამ 25 საათს ითხოვენ“.

„სხვა სკოლაში არ ვიცი რა ხდება, ჩვენს სკოლაში კი სრულ დატვირთვამდე ყველას აქვს საათი, შემდეგ ხდება დამატებითი საათების გადანაწილება და ესაა ხოლმე წყენის მიზეზი კოლეგებს შორის. ჩემი აზრით, მთავარია, რომ მასწავლებელს საკმარისი საათი ჰქონდეს, რათა დაერიცხოს სტატუსის დანამატი, დანარჩენი, ვფიქრობ, კოლეგიალურობის საკითხია“.

შეგახსენებთ, რომ საათების განაწილების თემაზე ეროვნულ სასწავლო გეგმაში გასულ წელს ცვლილება შევიდა, რომლის მიხედვითაც დირექტორი ვალდებულია სტატუსიან მასწავლებლებს სრულ დატვირთვამდე გაუზარდოს საათები.

კანონის მიხედვით, სრული დატვირთვა დაწყებითების პედაგოგებისთვის 13 საათით განისაზღვრება, სხვა საგნის პედაგოგებისთვის - 15 საათით.

„საჯარო სკოლა ვალდებულია სასკოლო საათობრივი ბადით გათვალისწინებული საათები პირველ რიგში გაუნაწილოს კონკრეტული საგნის უფროს/წამყვან/მენტორ მასწავლებლებს და კონკრეტულ საგანში საათები შეუვსოს სრულ დატვირთვამდე (15 საათის ჩათვლით, ხოლო კომბინირებული დაწყებითი (I-IV) კლასის მასწავლებელს 13 საათის ჩათვლით), ასეთის არსებობის შემთხვევაში“, - ნათქვამია მინისტრის ბრძანებაში.


კომენტარები


ეტალონი
„ეტალონში“ მიღწეული წარმატება მოსწავლეებისა და სრულიად სასკოლო საზოგადოებისთვის მნიშვნელოვანი მოვლენაა“
საპრიზო ადგილის მფლობელი მოსწავლეები, რესურსცენტრების ხელმძღვანელები, სკოლების დირექტორები და პედაგოგები კონკურსის ემოციების შესახებ საუბრობენ
სიახლეები
ბრალდებულმა, მკვეთრი მანევრით, ნაპირიდან მოშორებით „ბანანი“ ამოატრიალა, რის შედეგადაც უჟილეტო ბავშვები ზღვაში ჩაცვივდნენ
5 მიზეზი, რის გამოც ეროვნულებზე თქვენი სარეგისტრაციო განაცხადი გაუქმდება - ინფორმაცია აბიტურიენტებისთვის
რეგიონული სასწავლო ტური სპეცპედაგოგებისთვის - ინფორმაციას მასწავლებლის სახლი ავრცელებს
NAEC ერთთვიან ვადას ასახელებს - დეტალები
პიროვნება
ის მომავალი თაობის პასუხისმგებლიან მოქალაქეებად ჩამოყალიბებასა და წარმატებულ მომავალზე აქტიურად ზრუნავს
სკოლები
მოსწავლეებმა მხატვრულად წაკითხული პოეზიით დამსწრე საზოგადოება მოხიბლეს
სკოლაში სასწავლო პროცესი საინტერესო, ნაყოფიერი, შედეგზე ორიენტირებული აქტივობებითაა გაჯერებული
საინტერესო
სწავლობენ სხვისი აზრის გათვალისწინებას და იმას, თუ რამდენად მნიშვნელოვანია ერთი ადამიანის წვლილი საერთო და მასშტაბურ საქმეში
ამაზე საუბარი, რა თქმა უნდა, კვლევებიდან და მოსწავლეებისა თუ სტუდენტების შედეგებიდან გამომდინარე შეიძლება
სიახლეები
საზოგადოება