თეთრიწყაროს მუნიციპალიტეტის სოფელ ასურეთის საჯარო სკოლის დირექტორმა ნანი გორდეზიანმა მე-12 კლასელებს ლექსი მიუძღვნა და თბილი სიტყვებით გააცილა სკოლიდან. 

                            ბოლო ზარი   

ჩამოიმარცვლა სკოლის დღეების ბოლო მძივები
სულ სხვანაირად აელვარდა აპრილი ლურჯი 
და ვარდისფერი ოცნებები მზისფერ სხივებით 
თითონ განგებამ დაგიხატათ ზღაპრული ფუნჯით  

და ეს საუნჯე ოაზისად ჩანს ოცნებების, 
მისკენ მავალი ბილიკებით, ოქროსფერ გზებით 
სიყვარულის და სათნოების რძისფერ ნისლებით,
ღმერთმა ინებოს, წარმატებებით გატაროთ ფრენით 

გჯეროდეთ ათბობს სკოლის კედლებს, თქვენი ღიმილი 
სწავლა კი თქვენი მასწავლებლის გულს, რომ ანათებს,
სკოლას უყვარხართ  ხმამაღალი თქვენი სიცილით ,
ნატრობს თქვენ წინსვლას, დამიჯერეთ,  სხვას კი არაფერს