მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
პანდემიის გამო, საქართველოს საგანმანათლებლო სისტემა არაერთი გამოწვევის წინაშე დგას. არც ისაა მარტივი, ასეთ ვითარებაში საკუთარ პროფესიას ბოლომდე უერთგულო, თუმცა, ჩვენი პედაგოგები დგანან განათლებული მომავალი თაობების აღზრდის სადარაჯოზე და პროფესიულ წინსვლაზე ორიენტირებულები, თავს არ ზოგავენ - მოსწავლეებს მისცენ ხარისხიანი განათლება. სწორედ ასეთი თავდადების მაგალითია ახმტის მუნიციპალიტეტის, მატნის N1 საჯარო სკოლა. სასწავლო წლის დასრულებამდე მოსწავლეები ჩართულები იყვნენ სასკოლო ცხოვრებაში, საგაკვეთილო პროცესში და სხვადასხვა აქტივობასაც დიდი წარმატებით ახორციელებდნენ.
მატნის N1 საჯარო სკოლის ეკოკლუბი, „მარგალიტები“ აწარმოებს ონლაინ-კამპანიას - „დავიცვათ მდინარის ნაპირები ეროზიისაგან და გავამწვანოთ მდინარის სანაპიროები“ - ამ მიზნით გეოგრაფიის მასწავლებელთან, მარინე ჯუგაშვილთან ერთად, ეკოკლუბის წევრებმა, მდინარე კურტანაძეულის სანაპიროზე დარგეს სხვადასხვა ჯიშის ნერგები, რაც ნალექებისა და დაბინძურების გაფილტვრას უწყობს ხელს.
იხილეთ ფოტოები: