2020-2021 სასწავლო წელი დასრულდა და მოსწავლეებიც საკუთარი შრომის შედეგებს - სემესტრულ თუ წლიურ ნიშნებს ეცნობიან. წლიური შეფასებით უკმაყოფილო მოსწავლეებს საშუალება აქვთ შედეგები გამოასწორონ და ამისთვის მხოლოდ ორი დღე რჩება. 

რა უნდა გააკეთოთ, თუ ნიშნის გამოსწორება გსურთ? - დღეს და ხვალ, მშობელმა (კანონიერმა წარმომადგენელმა) უნდა დაწეროს განცხადება დირექტორის სახელზე, რომელ საგანში სურს ბავშვს ნიშნის ამაღლება; განცხადებას უნდა დაურთოს პირადობის მოწმობის ქსეროასლი (ორივე მხარე) და გადაგზავნოს სკოლის ელექტრონულ ფოსტაზე; დირექცია ამ განცხადებას მიიღებს, შემდეგ კი კონკრეტული საგნის პედაგოგი, კომპლექსური დავალების საფუძვლზე, შეაფასებს მოსწავლეს ან სკოლაში დაიბარებს და იქ მოუწევს ბავშვს ნიშნის ამაღლებისთვის მუშაობა.

რაოდენობა შეზღუდული არ არის და მოსწავლეს, სურვილის შემთხვევაში შეუძლია, ყველა საგანში აიმაღლოს ნიშანი.