სალომე სამადაშვილმა გია ვოლსკის გენდერულ საბჭოში უჩივლა
12.10.2017

ნაციონალური მოძრაობის დეპუტატმა სალომე სამადაშვილმა საპარლამენტო უმრავლესობის წევრს გიორგი ვოლსკის პარლამენტის გენდერულ საბჭოში უჩივლა. მიზეზი ვოლსკის ის ტერმინი გახდა, რომწლიც მან სამადაშვილის მიმართ გამოიყენა. უმრავლესობის დეპუტატმა სამადაშვილს 9 ოქტომბერს სიტყვა "გოგოთი" მიმართა.

"სამწუხაროდ პარლამენტის თავმჯდომარის მოადგილე ბატონ ვოლსკის, როგორც ჩანს არ ესმის რას ნიშნავს გენდერულად დისკრიმინაციული ენის გამოყენება და კნინებითი ფორმით მიმართვა ქალი კოლეგებისთვის. სწორედ ამიტომ მე დღეს გენდერული თანასწორობის საბჭოს მივმართე, რომელიც მუშაობს პარლამენტში და მისი თავმჯდომარეა ქალბატონი თამარ ჩუგოშვილი. ამ საბჭომ უნდა განიხილოს ის ინციდენტი, რაც მოხდა 9 ოქტომბერს თავდაცვისა და უშოშროების კომიტეტის სხდომაზე და შესაბამისი რეაგირება მოახდინონ ამაზე. იმიტომ რომ ეს არის ძაიან მნიშვნელოვანი საკითხი არამხოლოდ იმ ქალებისთვის, ვისაც სურს პოლიტიკაში თანამონაწილეობა, არამედ ყველა ქალისთვის, ვინც პროფესიულ გარემოში თავი უნდა იგრძნოს დაცულად და უსაფრთხოდ და იცოდეს, რომ მის მიმართ გენდერული ნიშნით არასოდეს არავინ გამოიყენებს კნინებითი და დისკრიმინაციული ფორმის მიმართვებს"- განაცხადა სალომე სამადაშვილმა.

სამადაშვილმა მომზადებული საჩივარი პარლამენტის საქმისწარმოების დეპარტამნტში უკვე ჩააბარა, რის შემდეგაც დოკუმენტი გენდერულ საბჭოს გადაეცემა. საჩივრის დაკმაყოფილების შემთხვევაში, დამრღვევ დეპუტატს შესაძლოა შენიშვნა მიეცეს.

აღასანიშნავია, რომ ქვეყნის საპარლამენტო ისტორიის განმავლობაში მსგავსი ტიპის საჩივარი გენდერულ საბჭოს არ მიუღია.

შეგახსენებთ, რომ 9 ოქტომბერს პარლამენტს თავდაცვის კომიტეტის სხდომაზე "ნაციონალური მოძრაობის" წევრის სალომე სამადაშვილის შეკითხვამ დეპუტატებს შორის დაპირისპირება გამოიწვია. „პარალელურ რეჟიმში რა გაყვირებს, გოგო“, - მიმართა ვოლსკიმ სალომე სამადაშვილს.



კომენტარები


სხვა სიახლეები
სამ, 24 ოქტომბერი 2017
09:54