გია ვოლსკი - სალომე სამადაშვილის ქმედება ჭირვეული პატარა გოგოს საქციელი იყო, გენდერი არ მიგულისხმია
12.10.2017

პოლიტიკაში მეტი ქალი მეტ კდემამოსილებას, მეტ მოთმინებას, მეტ ანალიზსა და მეტ კომპეტენციას ნიშნავს და პოლიტიკაში მეტი ქალის მონაწილეობას მხარს სწორედ ამიტომ ვუჭერ, - ამის შესახებ პარლამენტის ვიცე-სპიკერმა, გია ვოლსკიმ განაცხადა, რომელიც მის მიმართ სალომე სამადაშვილის მიერ გაკეთებულ განცხადებას გამოეხმაურა. 

„როცა კოლეგა ლაპარაკობს და მას საუბარს მაღალ რეესტრში ყვირილით აწყვეტინებ, ეს ის საქციელია, რომელიც გაუწონასწორებელ, პატარა გოგონებს ახასიათებთ. ეს გენდერული საკითხი არ არის, გენდერი საერთოდ არ მიგულისხმია, მისი საქციელი ვიგულისხმე, რაც გათამამებული პატარა ბავშვის საქციელია. ასე ჩემი შვილიშვილი იქცევა ხოლმე. ჩემს ჭირვეულ შვილიშვილს თავი რომ დავანებოთ, ეს ჭირვეული პატარა გოგოს საქციელი იყო და გენდერი არ მიგულისხმია“, - აღნიშნავს ვოლსკიმ. 

სალომე სამადაშვილი გია ვოლსკის გენდერული თანასწორობის საბჭოში უჩივის. საქმე ეხება თავდაცვის კომიტეტის 9 ოქტომბრის სხდომას, სადაც ვოლსკიმ სამადაშვილს „გოგო“ უწოდა.



კომენტარები


სხვა სიახლეები
სამ, 24 ოქტომბერი 2017
09:57