მამუკა მდინარაძე: ''ბუნებრივია, ჩვენ ხვალ ვეტოს დავძლევთ''
12.10.2017

"ბუნებრივია, ჩვენ ხვალ ვეტოს დავძლევთ", - ამის შესახებ ფრაქცია "ქართული ოცნება - დემოკრატიული საქართველოს" თავმჯდომარემ მამუკა მდინარაძემ განაცხადა.

ამ წუთებში იურიდიულ საკითხთა კომიტეტზე კონსტიტუციის პროექტთან დაკავშირებით პრეზიდენტის მოტივირებულ შენიშვნებზე მსჯელობენ. შენიშვნებს დეპუტატებს ანა დოლიძე აცნობს.

"პრეზიდენტის მოტივირებული შენიშვნებიდან ოთხი არის, რომელსაც პრაქტიკულად ჩვენც ვეთანხმებით. აქ საუბარია ვენეციის კომისიასთან შეთანხმებულ საკითხებზე. დანარჩენი ორიდან ერთი შეეხება ჩვენი ოპოზიციური პარტიების პოლიტიკურ მომავალს და მეორე არის იურიდიული აბსურდი", - განმარტა მამუკა მდინარაძემ.

პრეზიდენტის საპარლამენტო მდივნის ანა დოლიძის განცხადებით, მას იმედი აქვს, რომ ხვალინდელ საპარლამენტო სესიაზე უმრავლესობა შანსს არ გაუშვებს - გაითვალისწინოს თანხმობის დოკუმენტი.

ცოტა ხნის წინ კი პრეზიდენტის ადმინისტრაციის ხელმძღვანელმა გიორგი აბაშიშვილმა თქვა, რომ ადმინისტრაციას პარლამენტიდან დაურეკეს და უთხრეს, რომ ხვალ პრეზიდენტის სამუშაო ოთახში არ შეუშვებენ. პრეზიდენტის დავალებით, ხვალ აბაშიშვილი და პრეზიდენტის მრჩევლები, პარლამენტში განხილვაზე დასასწრებად, ქუთაისში მიდიან.

შეგახსენებთ, რომ პრეზიდენტმა პარლამენტის მიერ საქართველოს კონსტიტუციაში ცვლილებებსვეტო დაადო და მოტივირებული შენიშვნებით საკანონმდებლო ორგანოს დაუბრუნა. ოპოზიცია პრეზიდენტის ვეტოს დაძლევაში მონაწილეობას არ მიიღებს.



კომენტარები


სხვა სიახლეები
კვი, 17 დეკემბერი 2017
21:30