ქედის მუნიციპალიტეტის სოფელ პირველი მაისის საჯარო სკოლის მოსწავლეებმა ნიკო კეცხოველის სასკოლო კონკურსში წარმატებით იასპარეზეს.

კონკურსის პირველი და მეორე ეტაპი უკვე დასრულდა. კონკურსის თემა იყო - განათლება მდგრადი განვითარებისთვის.
ნიკო კეცხოველის სასკოლო კონკურსში აჭარისა და გურიის რეგიონებიდან რეგისტრაცია გაიარა 70-მდე სკოლამ. საკონკურსო პერიოდის განმავლობაში ჩატარებული აქტივობებისა და ღონისძიებების მიხედვით ნერგების (ქულების) დაგროვების პროცესში 31 სკოლა მონაწილეობდა.

ახალგაზრდული გარემოსდაცვითი კონკურსი - ნიკო კეცხოველის სასკოლო პრემია - 2015 წელს დაარსდა CENN-ის მიერ, პროექტის - ტყის მდგრადი მართვა საქართველოში - ფარგლებში, ავსტრიის განვითარების თანამშრომლობის /Austrian Development Cooperation  ფინანსური მხარდაჭერით.

კონკურსის თანაორგანიზატორები არიან:

• საქართველოს განათლების, მეცნიერების, სპორტისა და კულტურის სამინისტრო;
• საქართველოს გარემოს დაცვისა და სოფლის მეურნეობის სამინისტრო;
• საქართველოს პარლამენტი.

დაარსებიდან დღემდე კონკურსში მონაწილეობა მიიღო 1000–ზე მეტმა სკოლამ.