მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
მელიტონ ქანთარიას სახელობის წალენჯიხის მუნიციპალიტეტის ქალაქ ჯვარის N3 საჯარო სკოლის კურსდამთავრებულმა დავით ჭანტურიამ უცხო ენაში ერთიან ეროვნულ გამოცდებზე მაქსიმალური ქულა მიიღო.
დავით ჭანტურიას ქულა 80-დან 80-ია. აღსანიშნავია ისიც, რომ იგი ოქროს მედლის კანდიდატია.
სკოლა თავის კურსდამთავრებულს წარმატებას ულოცავს და იმედოვნებენ, რომ კიდევ ბევრჯერ იამაყებენ მისი წინსვლით:
„ჩვენი სკოლის კურსდამთავრებულს, ოქროსმედალოსან დავით ჭანტურიას, ვულოცავთ ეროვნულ გამოცდებში, კერძოდ, უცხო ენაში უმაღლესი - 80 ქულის აღებას! ეს დიდი შრომისა და მოდომების შედეგია! გვჯერა, ის მომავალშიც არა ერთხელ გვასახელებს!“,- ნათქვამია სკოლის მიერ გავრცელებულ ინფორმაციაში.
შეგახსენებთ, რომ ერთიანი ეროვნული გამოცდები 1 ივლისს, ქართული ენისა და ლიტერატურის გამოცდით დაიწყო და 2 აგვისტოს დასრულდა.
ერთიან ეროვნულ გამოცდებზე მიღებული ქულების გაგება კი აბიტურიენტებს უკვე 2 აგვისტოდან შეეძლოთ.