ცაგერის საჯარო სკოლაში საქართველოს ეროვნული კინოცენტრის პროექტი ,,კინო სკოლაში" მიმდინარეობს.

სკოლის დირექტორი დავით ცვარიანი აღნიშნული პროექტის ორგანიზატორს მადლობას უხდის:

„დღეს ორი კვირა შესრულდა, რაც ქალაქ ცაგერის საჯარო სკოლაში მიმდინარეობს საქართველოს ეროვნული კინოცენტრის პროექტი „კინო სკოლაში", განათლებისა და მეცნიერების სამინისტროს მხარდაჭერით. სკოლის საზოგადოების სახელით მადლობას ვუხდით კინოსპეციალისტს შორენა როსტომაშვილს, რომელიც კინოკლასიკის შედევრებს აჩვენებდა მოსწავლეებს და ყოველი ჩვენების შემდეგ მართავდა საინტერესო დისკუსიებს.

წარმატებებს ვუსურვებთ კინოჩვენების ორგანიზატორს შორენა როსტომაშვილს და იმედს ვიტოვებთ, კვლავ ნაყოფიერად გავაგრძელებთ თანამშრომლობას მომავალ წელს“,- ამბობს დავით ცვარიანი, ცაგერის საჯარო სკოლის დირექტორი.