შოტლანდიის ერთ-ერთ რაიონში სკოლაში პირველად ერთდროულად 15 წყვილი ტყუპი წავა. მომავალი პირველკლასელები ერთად სამახსოვრო ფოტოს გადასაღებად შეიკრიბნენ. წერს გამოცემა ITV.

ინვერკლაიდის ოლქი ტყუპების დიდი რაოდენობით უკვე დიდი ხანია ცნობილია. შარშან, აღნიშნულ ოლქში სკოლებში 9 წყვილი ტყუპი პირველკლასელი წავიდა. რეკორდი კი 2015 წელს დამყარდა, მაშინ წყვილი ტყუპების რიცხვმა 19 შეადგინა.

ბავშვები ამბობენ, რომ სკოლაში ასოებისა და რიცხვების სწავლა და ახალი მეგობრების შეძენა სურთ. 



პრორექტორმა, მარტინ ბრენანმა მოსწავლეებსა და მასწავლებლებს წარმატება უსურვა და განაცხადა, რომ ეს წელი კორონავირუსის პანდემიის გავლენის გამო „კიდევ უფრო მნიშვნელოვანი იყო“. 

მას, როგორც ყოფილ მასწავლებელს, ესმის, რომ სკოლაში დაბრუნება - ყოველთვის ამაღელვებელია, როგორც მოსწავლეებისთვის, ისე მშობლებისა და პედაგოგებისთვის. 

„მართალია, უსაფრთხოების ბევრი წესი სკოლებში დღემდე რჩება, მაგრამ ჩვენ შეგვიძლია შესანიშნავად აღვნიშნოთ კლასებში დაბრუნება“,- დასძინა მან. 

მასწავლებლებს თავიდან ზოგიერთი ტყუპის ერთმანეთისგან გარჩევა გაუჭირდებათ, მაგრამ იმედია, დროთა განმავლობაში ამას შეძლებენ. 

ფოტო: ITV