ლაგოდეხის მუნიციპალიტეტის სოფელ არეშფერანის საჯარო სკოლის ყველა კურსდამთავრებულმა წარმატებით ჩააბარა ერთიანი ეროვნული გამოცდები და სასურველ უნივერსიტეტსა და ფაკულტეტზე ჩაირიცხა.

ინფორმაციას ამის შესახებ თავად სკოლა ავრცელებს. სკოლაში ულოცავენ კურსდამთავრებულებს და მომავალშიც წარმატებას უსურვებენ.

„ლაგოდეხის მუნიციპალიტეტის სოფელ არეშფერანის საჯარო სკოლა სიხარულით გაცნობებთ, რომ  გასული მე-12 კლასიდან ყველა მოსწავლე რომელიც გასული იყო ერთიან ეროვნულ გამოცებზე წარმატებით დაძლია ბარიერი და ჩაირიცხა მისთვის სასურველ უნივერსიტეტში. ასევე უნდა გითხრათ რომ  მოხვდნენ სახელმწიფოს მიერ დაფინანსებულ ეგრეთ წოდებულ უფასო ფაკულტეტებზეც. სადაც შეგახსენებთ რომ კონკურენცია საკმაოდ მაღალია.  სკოლის ადმინისტრაცია კიდევ ერთხელ ულოცავს ყოფილ მოსწავლეებს და ბედნიერ და წარმატებულ სტუდენტობას უსურვებს. დაე სამშობლოსათვის წარმატებები მოეტანოთ“,-წერია მოწოდებულ ინფორმაციაში.

ერთიან ეროვნულ გამოცდებზე მიღებული საბოლოო შედეგები დღეს გახდა ცნობილი.