ჩინეთის ხელისუფლებამ ონლაინ-თამაშებთან დაკავშირებით ახალი რეგულაცია მიიღო, რომლის თანახმადაც, გეიმერებს, რომელთა ასაკიც 18 წელს არ აღემატება, თამაშის უფლება მხოლოდ პარასკევობით, შაბათ-კვირასა და დღესასწაულებზე, ერთი საათით ექნება. ინფორმაციას BBC  აქვეყნებს.  

ჩინეთის ვიდეო-თამაშების რეგულატორის გადაწყვეტილებით, არასრულწლოვანი გეიმერები ინტერნეტში თამაშს 20:00-დან 21:00 საათამდე შეძლებენ. ახალი რეგულაციის აღსრულება ონლაინ-თამაშების კომპანიებს დაეკისრა, რომლებსაც მონიტორინგისთვის  დამატებითი ინსპექტორების დაქირავება მოუწევთ.

ჩინეთის სახელმწიფო მედია ონლაინ-გეიმინგს „სულიერ ოპიუმს“ უწოდებს. ქვეყანაში მიიჩნევენ, რომ ვიდეოთამაშები ბავშვებზე ცუდ გავლენას ახდენს და მათზე დამოკიდებულებას  იწვევს.

ეს გადაწყვეტილება ჩინეთის ხელისუფლებამ მას შემდეგ მიიღო, რაც ერთ-ერთმა მედიასაშუალებამ სტატია გამოაქვეყნა, ბავშვეებში ონალინ-თამაშების ცუდ გავლენაზე და დამოკიდებულებაზე. 

აღნიშნული ინფორმაციის გავრცელების შემდეგ, ჩინეთის უმსხვილესი ონლაინ სათამაშო კომპანიების აქციების ღირებულება საგრძნობლად დაეცა.

ერთ-ერთმა  გიგანტმა კომპანიამ -  Tencent– მა, სახის ამომცნობი პროგრამა გაააქტიურა, რომლის მეშვეობითაც მარტივად შეძლებდნენ მოთამაშის ასაკის დადგენას,  თუმცა შემდეგ  ეჭვი გაჩნდა, რომ ბავშვები მოზარდების პირადობის მოწმობას იყენებდნენ და ასე ცდილობდნენ თამაშში ჩართვას.

ახალი წესებით  ჩინეთის მთავრობა იმედოვნებს, რომ ბავშვებში სწორი ღირებულებების ჩამოყალიბებას შეუწყობს ხელს. ბევრი მშობელი მიესალმება ამ გადაწყვეტილებას, თუმცა არიან ისეთები, ვინც სოციალურ ქსელში აკრიტიტებს მთავრობის „თვითნებურ“ ჩარევას.

ცნობისთვის, ჩინეთში აქამდეც იყო შეზღუდვა ონალინ-თამაშებთან დაკავშირებით, ამისთვის ბავშვებს დღეში მხოლოდ 90 წუთში ჰქოდნათ გამოყოფილი, ხოლო დასვენების დღეებში - 3 საათამდე.