თეთრიწყაროს მუნიციპალიტეტის სოფელ პატარა ირაგის საჯარო სკოლის კურსდამთავრებულთათვის 2020-2021 სასწავლო წელი წარმატებული აღმოჩნდა და სკოლის სასახელოდ სტუდენტები გახდნენ.

სკოლას წელს ოთხი აბიტურიენტი ჰყავდა და ოთხივე მათგანი სტუდენტი გახდა. 

„პატარა ირაგის საჯარო სკოლის დირექცია და პედაგოგიური კოლექტივი ულოცავს ქრისტინა ჩარკვიანს ჯავახიშვილის უნივერსიტეტში 50%- იანი გრანტით ჩარიცხვას, ასევე სტუდენტობას ულოცავს ქეთინო ვიბლიანს, ანა მელაძესა და ლუკა პირველს! ოთხი აბიტურიენტიდან ოთხივე სტუდენტი გახდა! წარმატებები ახალგაზრდებო!“ - აღნიშნა პატარა ირაგის საჯარო სკოლის დირექტორმა, ფატიმა ჩარკვიანმა.