დაბა ნარუჯის საჯარო სკოლის მოსწავლეები საზოგადოებრივ კოლეჯში სხვადასხვა პროფესიებს გაეცნენ
16-11-2021
დაკოპირებულია
-
+
ოზურგეთის მუნიციპალიტეტის დაბა ნარუჯის საჯარო სკოლაში ხშირად ეწყობა მოსწავლეებისთვის საინტერესო და საჭირო აქტივობები თუ პროექტები.
სკოლაში განათლებისა და მეცნიერების სამინისტრო მიერ დაფინანსებული პროექტის, ინკლუზიური სწავლების ხელშეწყობის პროგრამის - „განათლების მიღების მეორე შესაძლებლობა სოციალური ინკლუზიით“ აქტივობების განხორციელება კვლავ აქტიურად გრძელდება.
„მორიგი აქტივობა მომავალი პროფესიების დაუფლების მიზნით ოზურგეთის პროფესიულ კოლეჯ „ჰორიზონტში“ ვიზიტის ორგანიზებას ითვალისწინებდა; პროექტში ჩართული მოსწავლეები მასწავლებლებთან ერთად (მედეა ობოლაძე, თინა ასათიანი, მანანა კიკაბიძე) პროფესიულ კოლეჯს ესტუმრნენ. მოსწავლეებმა დაათვალიერეს: ელექტროობის, სამკერვალო, თმის მომსახურების, სარესტორნო, კომპიუტერული, კულინარიის განყოფილებები, სადაც შესაბამისი განყოფილების სპეციალისტებისაგან საინტერესო ინფორმაციები მიიღეს. რამდენიმე მოსწავლე დაინტერესდა და სურვილი გამოთქვა სწავლა კოლეჯში მისთვის სასურველ სპეციალობაზე გააგრძელოს. დაბა ნარუჯის საჯარო სკოლის დირექცია მადლობას უხდის კოლეჯის დირექტორს, ქალბატონ ნანა ჯოლიას და ქალბატონ თაკო მარკოიშვილს გულთბილი მასპინძლობისათვის, ჩვენი ურთიერთთანამშრომლობა კვლავ გაგრძელდება“, - წერია გავრცელებულ ინფორმაციაში.