ხაიშის საჯარო სკოლის პედაგოგის, მარიანა ჭკადუას პროექტმა -„ოსური კულტურის ფესტივალი“ კონკურსში გაიმარჯვა
28-12-2021
დაკოპირებულია
-
+
მესტიის მუნიციპალიტეტის სოფელ ხაიშის საჯარო სკოლის პედაგოგის მარიანა ჭკადუას პროექტმა - „ოსური კულტურის ფესტივალი“ საქართველოს საპატრიარქოს ფონდ - „ლაზარეს“ გრძელვადიანი პროექტის „ქართულ-ოსური სამშვიდობო ინიციატივის“ ფარგლებში გამოცხადებულ კონკურსში გაიმარჯვა.
27 დეკემბერს სკოლაში პროექტის შემაჯამებელი ღონისძიება გაიმართა, რის შესახებაც სკოლა დამატებით ინფორმაციას ავრცელებს:
„პროექტის ფარგლებში მოწვეული იყო პროფესიონალი ქორეოგრაფი, რომელმაც მოსწავლეებს შეასწავლა ოსური ცეკვა. დასკვნით ღონისძიებაზე წარმოდგენილი იყო ოსური კულტურის სამი მიმართულება: ცეკვა - რომლის ფარგლებშიც მოსწავლეებმა შეასრულეს ოსური ცეკვა; პოეზია - რომლის ფარგლებშიც მოსწავლეებმა წარმოადგინეს შემდეგი პოეტების ლექსების ქართული თარგმანები: კოსტა ხეთაგუროვი, თეიმურაზ ხაჯეთი, რევაზ ასაევი, კოროევი; კულინარია - რომლის ფარგლებშიც მონაწილეებმა მოამზადეს და სასკოლო საზოგადოებამ დააგემოვნა ოსური კერძები: ხაბიზგინა, ძიკკა ყველით (ციხთი), ფიჩინი, ხაჭაპური კვახით, ფურცლოვანი ქადა პროექტის ავტორი და განმახორციელებელი - ხაიშის საჯარო სკოლის მასწავლებელი მარიანა ჭკადუა. ასევე, მადლობას ვუხდით მხარდაჭერისა და თანადგომისათვის ხაიშის საჯარო სკოლის დირექტორს - ზურაბ ქანთარიას“, - აღნიშნულია გავრცელებულ ინფორმაციაში.