თბილისის N118 საჯარო სკოლის I და III კლასებში საახალწლო ღონისძიება თემაზე - „მოდის ახალი წელი“ გაიმართა, სადაც პატარებმა საოცარი შემოქმედებითი ნიჭი და უნარები გამოავლინეს.

ღონისძიების ორგანიზატორები გახლდათ პედაგოგები: თამილა ცქიფურიშვილი და ნათია მოსულიშვილი. პატარების სიხარულს საზღვარი არ ჰქონდა, როდესაც ულამაზესი და საოცრად თბილი გარემო დაინახეს.

აქვე გაჩნდა უამრავი კითხვაც: თოვლის ბაბუა ვინ არის და სად ცხოვრობს თამილა მასწავლებელო?ღრუბლებიდან მოფრინავს ჩვენთან საჩუქრებით? ღრუბლებს იქით სამეფოა? პატარებმა იგივე კითხვები დაუსვეს სტუმრად მოსულ თოვლის ბაბუასაც, რომელიც ეცადა დაეკმაყოფილებინა თვალებგაბრწყინებული და გაოცებული ბავშვების ცნობისმოყვარეობა.

„ვფიქრობ, ეს დღე დაუვიწყარი იქნება მათ ცხოვრებაში, მე კი - არასოდეს დამავიწყდება საყვარელი პატარების გაოცებული, გაბრწყინებული და სიხარულით სავსე თვალები", - აღნიშნა პედაგოგმა თამილა ცქიფურიშვილმა.

იხილეთ ფოტოები: