შტამი „ომიკრონის“ ხუთი ძირითადი სიმპტომი დასახელდა
03-01-2022
დაკოპირებულია
-
+
ყველაზე ხშირად „ომიკრონით“ ინფიცირების ნიშნები ჰგავს „დელტას“ მსუბუქ ვარიანტს, რომელიც აცრილ ადამიანებში ფიქსირდება, აღნიშნავენ ექსპერტები.
ბრიტანელმა მეცნიერებმა გააანალიზეს ათასობით ადამიანის სიმპტომები, რომელთაც კორონავირუსი აღმოაჩნდათ ოქტომბერში, როდესაც ლონდონში „დელტა“ ვარიანტი დომინირებდა და დეკემბერში, როდესაც ის „ომიკრონ“ შტამმა შეავიწროვა. ამის შესახებ კომპანია ZOE იტყობინება.
სპეციალისტთა წინასწარმა ანალიზმა „დელტასა“ და „ომიკრონის“ ადრეულ გამოვლინებებს შორის მკაფიო განსხვავებები ვერ გამოავლინა. ორივე შემთხვევაში პირველ დღეებში COVID-19-ის „სამი კლასიკური სიმპტომი“ - სიცხე, ხველა და გემოს ან ყნოსვის დაკარგვა ინფიცირებულთა ნახევარზე მეტს აღმოაჩნდა.
სპეციალისტებმა ხუთი ძირითადი სიმპტომი გამოარჩიეს, რომლებიც ახალი შტამით დაავადებულებს აწუხებთ. ესენია: თავის ტკივილი, სურდო, ცემინება, ყელის ტკივილი და დაღლილობა. ზოგიერთი დასნებოვნებული ასევე უჩიოდა ხველას, მადის დაქვეითებას და გონების დაბინდვას.
„ყველაზე მეტად „ომიკრონის“ სიმპტომები ჰგავს „დელტას“ მსუბუქ ვარიანტს, რომელსაც ვაქცინირებულ ადამიანებში ვხვდებით“,- აღნიშნავს პროექტის - ZOE COVID Study ხელმძღვანელი, პროფესორი ტიმ სპეკტორი.
ის თვლის, რომ უკეთესია ვირუსზე მცირე ეჭვის შემთხვევაშიც კი ტესტის გაკეთება. მისი თქმით, ამის გარეშე ახალი შტამის გაციებისგან გარჩევას გამოცდილი ექიმიც კი ვერ შეძლებს.
ეკოკლუბის მასწავლებლების ხელმძღვანელობით განხორციელდა პროექტ-გაკვეთილი - „დაიცავი დედამიწა“, დაასუფთავეს სკოლის მიმდებარე ტერიტორია, შეაგროვეს მაკულატურა და სკოლის ეზოში დარგეს მცენარეები