„გვინდა ჩვენს პატარა სკოლას დაებედოს მრავალი მოსწავლე და ღიმილიანი სახეები“- შავსაყდრის საჯარო სკოლაში ახალი წელი იზეიმეს
04-01-2022
დაკოპირებულია
-
+
თეთრიწყაროს მუნიციპალიტეტის სოფელ შავსაყდრის საჯარო სკოლაში 2022 წელს მხიარულად შეხვდნენ. სკოლაში მოსწავლეების მონაწილეობით საინტერესო და ლამაზი ღონისძიება გაიმართა, რომლის ფარგლებში ნიჭიერმა მოსწავლეებმა მრავალფეროვანი აქტივობები წარადგინეს.
აღსანიშნავია, რომ სკოლის საამაყო გოგონებმა: ნუცა პატიაშვილმა, ნანა გელაშვილმა და ირინა კედელაშვილმა ასევე, საინტერესო თეატრალური წარმოდგენაც დადგეს და ღონისძიება კიდევ უფრო მეტად გაამრავალფეროვნეს.
სკოლა შობა - ახალი წლის დღესასწაულებთან დაკავშირებით მისალოც წერილს ავრცელებს და იმედოვნებს, 2022 წელი თითოეული ბავშვისთვის წარმატებული იქნება:
„ძვირფასო ადამიანებო გვინდა მოგილოცოთ დამდეგი შობა ახალი წელი, ყველა სურვილის ახდენის წელი ყოფილიყოს 2022 წელი - ჯანმრთელობა, მხნეობა, მზეობა დაგბედებოდეთ; ვერავითარი ვირუსი მოერევა თითოეულ ჩვენთაგანს, თუ ერთმანეთის სიყვარული გვექნება. ძალიან რთული წელი იყო 2021 წელი, ბევრი ადამიანი დაგვეღუპა, ბევრი კატასტროფა გადავიტანეთ, მაგრამ მაინც ძლიერები უნდა ვიყოთ, გვიყვარხართ ყველა. გვინდა ჩვენს პატარა სკოლას დაებედოს მრავალი მოსწავლე, ღიმილიანი სახეები, ლამაზი ღონისძიებები, წარმატებებით სავსე იყოს სკოლის ყველა ბავშვისთვის ახალი წელი, თითოეული ბავშვის თვალებში ენთოს სიხარულის ნაპერწკალი“, - წერია მისალოც წერილში.
ღვთის წყალობით, მეუფე მექლისედეკის ლოცვა კურთხევითა და ჩვენი პედაგოგების მუხლჩაუხრელი შრომით კვლავაც გავაგრძელებთ ერისა და ეკლესიის სასიქაუდლო და საამაყო მამულიშვილების აღზრდას