მთავარი | სიახლეები | სკოლები | სამასწავლებლო | უნივერსიტეტები | სკოლამდელები - skolamdelebi.ge | მსოფლიო | სხვა სიახლეები |
წალკის მუნიციპალიტეტის სოფელ იმერის საჯარო სკოლაში წინასაახალწლოდ ღონისძიება გაიმართა.
მოსწავლეებმა მრავალფეროვანი სადღესასწაულო პროგრამა წარმოადგინეს და ნიჭი და შესაძლებლობები წარმოაჩინეს.
„როგორც ყოველთვის, იმერის საჯარო სკოლაში ახალი წლის ზეიმი მრავალფეროვანია. მოსწავლეებმა წარმოადგინეს როგორც ცეკვები, ასევე სიმღერები. ტრადიციულ ცეკვებთან ერთად შეასრულეს თანამედროვე საცეკვაო ნომრებიც. პატარებმა ლამაზი ლექსებით კიდევ უფრო გაალამაზეს საზეიმო გარემო.
ღონისძიების ფარგლებში, დაჯილდოვდნენ ინტელექტუალურ შეჯიბრებაში და ხატვის კონკურსში გამარჯვებული მოსწავლეები. ღონისძიების დასასრულს თოვლის ბაბუამ მოსწავლეებს გადასცა საჩუქრები.
მასწავლებლებისა და მოსწავლეების სახელით, ჩვენი სკოლის დირექტორს ვუხდით მადლობას გაწეული მხარდაჭერისა და ხელშეწყობისათვის“,- აღნიშნულია სკოლის სოციალური ქსელის გვერდზე გამოქვეყნებულ ინფორმაციაში.
ღონისძიება კოვიდრეგულაციების დაცვით ჩატარდა.
იხილეთ ფოტოები: