თეთრიწყაროს N1 საჯარო სკოლაში საახალწლოდ განსაკუთრებულად ემზადებოდნენ. 

მოსწავლეებმა და პედაგოგებმა ამ თარიღს მრავალფეროვანი აქტივობები მიუძღვნეს. 

სკოლაში საახალწლო ღონისძიება მოეწყო. მასში მოსწავლეები დიდი ხალისით, მონდომებითა და ინტერესით ჩაერთნენ. მათ იმღერეს, იცეკვეს, ლექსები წაიკითხეს და ახალი წელი ყველას მიულოცეს. 

ღონისძიების ბოლოს მოსწავლეებმა და პედაგოგებმა სამახსოვრო ფოტოები გადაიღეს.

ზეიმი ყველა შესაბამისი რეკომენდაციის დაცვით გაიმართა.

ასევე, სხვადასხვა აქტივობა განხორციელდა მე-3^ა და მე-3^ბ კლასებში. 

მე-3^ა კლასის მოსწავლეებმა ვიდეო ჩაწერეს და ახალი წელი ყველას მიულოცეს, ხოლო მე-3^ბ კლასის მოსწავლეებმა ისაუბრეს იმაზე თუ საიდან გაჩნდა ახალი წელი.

„ჩვენს სკოლაში ტრადიციადაა ქცეული საახალწლო ღონისძიების გამართვა.

წელსაც კოვიდრეგულაციების დაცვით დაწყებითი კლასის მოსწავლეები ახალ წელს ცეკვით, სიმღერებით, ლექსებით ეგებებიან და გვილოცავენ შობა-ახალ წელს“,- აღნიშნულია სკოლის მიერ გავრცელებულ ინფორმაციაში. 

იხილეთ ვიდეოები და ფოტოები: