ბარდუბნის საჯარო სკოლის მოსწავლეებმა ახალი წელი იზეიმეს
04-01-2022
დაკოპირებულია
-
+
თერჯოლის მუნიციპალიტეტის სოფელ ბარდუბნის საჯარო სკოლის დირექციისა და პედაგოგების ხელშეწყობით მოსწავლეებისთვის სადღესასწაულო აქტივობები ჩატარდა.
ბავშვები ღონისძიებებში დიდი ხალისითა და ინტერესით ჩაერთნენ.
სკოლის მე-5 კლასის მოსწავლეებმა თოვლში ნაძვის ხე ლამაზად მორთეს და დასამახსოვრებელი ვიდეორგოლიც გადაიღეს. აღსანიშნავია, რომ მეხუთეკლასელების კლასის ხელმძღვანელი და ინგლისური ენის მასწავლებელი მარიამ ცქიფურიშვილია.
„შობა - ახალ წელს გილოცავთ საუკეთესო სურვილებით ყველას! დაგბედებოდეთ ნატვრის ახდენა და სიყვარული ბავშვივით წრფელი“ - წერს პედაგოგი მარიამ ცქიფურიშვილი.
ბარდუბნის საჯარო სკოლა ყველას ულოცავს შობა - ახალ წელს და მისალოც წერილს ავრცელებს:
„გილოცავთ შობა-ახალ წელს და გისურვებთ ჯანმრთელობასა და კეთილდღეობას. იმედი და წარმატება ყოფილიყოს ყველას ცხოვრების მეგზური“, - წერია სკოლის მისალოც წერილში.